"Liverpool"un müdafiəçisi Endryu Robertson baş məşqçi Yurqen Kloppun ona şans verməməsindən narazıdır. Goal.az "The Times"a istinadən xəbər verir ki, 23 yaşlı futbolçu sentyabrın 19-dan sonra meydana çıxmayıb. O, "qırmızılar"ın Premyer Liqada bu mövsüm keçirdiyi ilk  2 oyunda əsas heyətdə olub. Sonuncu dəfə isə Liqa Kubokunda meydana çıxıb. Həmin vaxtdan Robertson nəinki əsas heyətə, hətta oyunların iştirak ərizəsinə düşməkdə çətinlik çəkir. Şotland müdafiəçinin fikrinə görə, baş məşqçi Klopp onunla dürüst olmalı və hansı səbəbə əsas heyətdən çıxarıldığını izah etməlidir.