İrandan Azərbaycana keçən yük maşınında qumbara aşkarlandı


Kriminal 13 Noy 2017 14:08:00 251 0

İrandan Azərbaycana keçən yük maşınında qumbara aşkarlandı

İrandan Azərbaycana qumbara keçirmək istəyən şəxs sərhəddə yaxalanıb.

Dövlət Gömrük Komitəsindən son.az-a verilən məlumata görə, Astara Gömrük İdarəsinin yük şöbəsində İran İslam Respublikasından daxil olan yük nəqliyyat vasitəsinə gömrük nəzarəti həyata keçirilib.

Yoxlama zamanı, Azərbaycan vətəndaşı Həşimov Əkbərağa Maşalla oğlunun idarə etdiyi "KamAZ" markalı, 44BM570/44ZA357 nömrəli həmin nəqliyyat vasitəsinin kabinəsində, arxa hissədə yataq üçün nəzərdə tutulmuş döşəyin altında döyüş sursatı hesab edilən "F-1" markalı, müdafiə təyinatlı 1 ədəd əl qumbarası aşkar edilib.