Bakı. Sloveniyanın hazırki prezidenti Borut Pahor ölkədə keçirilən ikinci tur prezident seçkilərində qalib gəlib. Bu barədə Trend RİA Novosti-yə istinadən xəbər verir. İlkin nəticələrə görə, 53 yaşlı B.Pahor 52,95%, onun rəqibi, Kamnik şəhərinin meri Maryan Şarets isə 47,05% səs toplayıb. Qeyd edək ki.ş oktyabrın 22-də keçirilən prezident seçkilərinin birinci turunda namizədlərdən heç biri 50 faizdən çox səs toplaya bilməmişdi. İkinci turda qalib sadə səs çoxluğu ilə müəyyənləşir. Sloveniyada prezident 5 il müddətinə seçilir.