Son.az lent.az-a istinadən bildirir ki, 5-ci Ailə Məhkəməsinə müraciət edən əcnəbi vətəndaş A.Ç həyat yoldaşından boşanmaqla bağlı tələb irəli sürüb. Hakim V.Ö qadının tələbini təmin edib və əri E.Ç-nın ona 6 ay müddətinə yaxınlaşmaması ilə bağlı qərar qəbul edib. Bundan sonra hakimlə qadın arasında isti münasibətlər yaranıb və onlar "WhatsApp" proqramı vasitəsi ilə danışmağa, bir-birinə fotolar göndərməyə başlayıblar. Oktyabrın 31-də isə hakim V.Ö-nün sədrliyi ilə keçirilən iclasda boşanma qərarı rəsmiləşib. Bundan sonra hakimlə boşanan qadın Kayseridəki restoranlardan birində görüşüb. Daha sonra parkda gəzintiyə çıxan cütlüyün öpüşdüyünü görən qadının keçmiş əri E.Ç isə onlara hücum edib. O, hakimi bıçaqlayıb.