İraqda 400 cəsədin olduğu kütləvi məzarlıq tapılıb
Dünya 11 Noy 2017 20:59:28 247 0
Onlar İŞİD terrorçuları tərəfindən öldürülüb
İraqın şimalında İŞİD terror təşkilatı yaraqlıları tərəfindən qətlə yetirilmiş təqribən 400 nəfərin meyitinin olduğu kütləvi məzarlıq aşkar edilib.
“Report” TASS-a istinadən xəbər verir ki, bu barədə şənbə günü ölkənin güc strukturlarındakı mənbələrə istinadən "Al Baghdadia News" portalı məlumat yayıb.
Bildirilir ki, meyit qalıqları Kərkük yaxınlığında yerləşən Əl-Huveycə şəhəri ərazisində tapılıb.
Məzarlıq əvvəllər Amerika hərbçiləri tərəfindən istifadə olunmuş, 2014-cü ilin yayında isə İraqın geniş işğalı zamanı terrorçular tərəfindən ələ keçirilmiş baza ərazisində yerləşir.
Mənbə: report.az