Göygöl rayonunda 29 yaşlı gənc sirkə turşusundan zəhərlənib.

"Report"un Qərb bürosunun məlumatına görə, hadisə rayonun Yeni Qızılca kəndində qeydə alınıb

Belə ki, kənd sakini, 1988-ci il təvəllüdlü Şöhrət Məhərrəm oğlu Məmmədov sirkə turşusundan zəhərlənmə əlaməti ilə xəstəxanaya aparılıb. Onun vəziyyətinin orta-ağır olduğu bildirilir. Ş.Məmmədovun hansı səbəblərdən sirkə turşusu içərək özünü zəhərləməsi hələlik məlum deyil.

Yaxınları onun əsəb xəstəliyindən əziyyət çəkdiyini bildiriblər.

Faktla bağlı araşdırma aparılır.