Səudiyyə Ərəbistanında bir sıra məmurların bank hesabları dondurulub


Digərləri 08 Noy 2017 09:58:00 195 0

Səudiyyə Ərəbistanında bir sıra məmurların bank hesabları dondurulub

Səudiyyə Ərəbistanında antikorrupsiya əməliyyatı çərçivəsində saxlanılan bir sıra məmurların bank hesabları dondurulub.

Bakı. Rufiz Hafizoğlu - Səudiyyə Ərəbistanında antikorrupsiya əməliyyatı çərçivəsində saxlanılan bir sıra məmurların bank hesabları dondurulub. Trend-in məlumatına görə, əməliyyat başlayandan sonra artıq 1200 bank hesabı dondurulub. Bundan əvvəl bildirildiyi kimi, Krallıqda gözlənilən yeni antikorrupsiya əməliyyatı çərçivəsində 500-dən çox məmur həbs edilə bilər. Qeyd edək ki, noyabrın 4-də Səudiyyə Ərəbistanında vəliəhd Məhəmməd bin Salmanın rəhbərliyi ilə Korrupsiya ilə mübarizə üzrə Ali Komitənin yaradılması haqqında fərman imzalanıb. Növbəti gün Ali Komitə sabiq nazir, hərbçi və sahibkarların da daxil olduğu 40-a yaxın nüfuzlu şəxsin saxlanması barədə əmr verib.