Polşa və Macarıstan universitetlərində Dağlıq Qarabağla bağlı təqdimatlar və kitab sərgiləri keçirilib
Siyasət 07 Noy 2017 23:13:25 326 0
Tədbirlərdə Pannonia və Vistula universitetlərindən gənc alimlər, doktorant və magistrlər iştirak ediblər
“Report” xəbər verir ki, təqdimatlarda Ermənistan tərəfindən işğal edilmiş Qarabağda ermənilər tərəfindən dağıdılmış və total saxtaraşdırılmış tarixi-arxeoloji abidələr haqqında tarixi həqiqətlər təbliğ edilib, universitetlərdə Azərbaycan tarixi, Qarabağ həqiqətlərindən bəhs edən kitab səərgisi təşkil edilib.
Avropa Gənc Alimlər Şurasının (EURODOC) və onun üzv təşkilatlarının dəstəyi ilə Macarıstan və Polşada təşkil olunmuş elmi təqdimat və kitab sərgilərində Pannonia və Vistula universitetlərindən gənc alimlər, doktorant və magistrlər iştirak ediblər.
İştirakçılara Qarabağ abidələrinin münaqişədən əvvəlki vəziyyəti və münaqişə dövründə ermənilər tərəfindən dağıdılmış halı şəkillər vasitəsilə iştirakçılara göstərilib. Tədbirin yekununda Qarabağ tarixi-mədəni abidələri barədə sənədli film nümayiş olunub.
Layihə çərçivəsində növbəti tədbir Almaniyada həyata keçiriləcək.