Salyanda yük maşını 11 yaşlı velosipedçini vurub
Sosial 07 Noy 2017 21:58:58 278 0
Hadisə yol çəkilişi zamanı baş verib
Salyanda 11 yaşlı uşağı yük maşını vurub.
“Report”un Aran bürosu xəbər verir ki, hadisə rayonun Xalac kəndində qeydə alınıb.
Kənd sakini, 11 yaşlı İlkin Zamiq oğlu Həsənov velosipedlə hərəkətdə olarkən yol tikintisində işləyən sürücü idarə etdiyi yük maşınını geriyə verən zaman onu vurub. Nəticədə müxtəlif dərəcəli bədən xəsarətləri alan velosipedçi Salyan Mərkəzi Rayon Xəstəxanasına çatdırılıb. Xəstəxanada tibbi yardım göstərildikdən sonra o, Travmatologiya şöbəsinə yerləşdirilib.
Faktla bağlı araşdırma aparılır.
Mənbə: report.az