Son.az xezerxeber.az-a istinadən bildirir ki, maraqlı hadisə Cəlilabad rayon sakini İlqar Quluyevin başına gəlib. O, bir müddət əvvəl yenicə tikilmiş evi üçün ümumi dəyəri 2000 manat olan dəmir dam örtüyü alıb. Alan zaman ona örtüklərin Rusiya istehsalı olduğu və keyfiyyət dərəcəsinin yüksək olduğu deyilib. Amma örtüklər evin damına vurulduqdan bir həftə sonra onun rəngi solmağa başlayıb. Bunadan narahat olan ev sahibi yaxından örtüklərə baxış keçirdikdə məlum olub ki, onların nəinki rəngi solub, dam örtükləri paslanıb. Məsələ ilə bağlı sözügedən satış mərkəzində olduq. Oradan şifahi olaraq bildirildi ki, ümumi sayı 25 ədəd olan örtüklərdən yalnız 20-i geri qaytarıla bilər. Bu zaman örtüklərin evdən sökülməsi və yenisi ilə əvəz olunması isə ev sahibinin üzərinə düşür.