Azərbaycanda əhalinin gəlir və xərcləri arasında fərq 20%-dək yüksələcək
İqtisadiyyat 04 Noy 2017 10:12:31 329 0
Gələn il əhalinin gəlirlərinin xərclərini 17,9% üstələyəcəyi proqnozlaşdırılır
Bu barədə “Report” İqtisadiyyat Nazirliyinin 2018-ci ilə və sonrakı üç il üzrə ölkənin iqtisadi və sosial inkişaf konsepsiyası və proqnoz göstəricilərinə əsasən xəbər verir.
2020-2021-ci illərdə əhalinin gəlirlərinin müvafiq olaraq 61 055,5 mln. manat və 62 492,6 mln. manat, xərclərinin 53 404,2 mln. manat və 57 018,8 mln. manat olacağı nəzərdə tutulur. Beləliklə, gəlirlərin xərcləri üstələməsi 2020-ci ildə 14,3%, 2021-ci ildə 9,6%-ə enəcək.
Növbəti ildə Azərbaycanda orta aylıq əmək haqqının 2017-ci illə müqayisədə real ifadədə 0,5% artaraq 549,7 manat olacağı proqnozlaşdırılır. Daha sonrakı 3 ildə isə ardıcıl olaraq, 2019-cu ildə 562,6 manat, 2020-ci ildə 575 manat və 2021-ci ildə 585,5 manat olacağı nəzərdə tutulur.