SKMF-ə gələn il üçün 270 mln. manatlıq layihələr təqdim olunub
İqtisadiyyat 02 Noy 2017 12:03:30 265 0
Bu ilin sonuna kimi isə sahibkarlara əlavə minimum 45 mln. manat güzəştli kredit veriləcək
Ş.Abdullayevin sözlərinə görə, artıq layihələr də müəyyənləşib: “SKMF-in maliyyə yardımı ilə Pirallahı rayonunda yaradılan şpris istehsalı zavodu daxili tələbatı 100% ödəyəcək. Prezidentin tapşırığı ilə son illər SKMF-in xətti ilə kiçik və orta biznesin inkişafına 393,4 mln. manat yönəldilib. Bu istiqamətdə 300 hektara yaxın müasir tipli istixana maliyyələşdirilib”.
SKMF rəsmisi deyib ki, yaxın gələcəkdə 3 500 ha yeni zeytun bağları salınacaq: “Bizə iqtisadi cəhətdən əsaslandırılmış zeytun və badam bağlarının salınması layihəsi təqdim olunub. Bu istiqamətdə SKMF-in geniş təcrübəsi var. Bir neçə il bundan əvvəl Zirə qəsəbəsində 240 ha-ya yaxın müasir zeytun bağı salınmışdı. Orada zeytun emalı müəssisəsi fəaliyyət göstərir. Həmçinin, yeni zeytun tingçiliyi müəssisəsi fəaliyyət göstərir. Yaxın zamanlarda Abşeron yarımadasında 3 500 ha ərazidə yeni zeytun bağlarının salınması və mövcud zeytun bağlarının bərpası layihəsinə başlayırıq. Bu layihə də SKMF tərəfindən maliyyələşdiriləcək”.
Ş.Abdullayev 2018-ci il üçün müəyyən edilən layihələrin maliyyələşməsi prosesinə artıq başlandığını deyib: “Demək olar ki, 2018-ci il üçün layihələrin maliyyələşdirilmə prosesi başlayıb. Artıq bizdə sahibkarlar tərəfindən 270 mln. manatlıq əsaslandırılmış layihələr var. Onlara banklar tərəfindən baxılır və bu layihələrin maliyyələşməsini 2018-ci ildən təmin edəcəyik”.