Son.az lent.az-a istinadən xəbər verir ki, "Sharp" son maliyyə hesabatına əsasən, yenidən gəlir əldə edib.   Daha dəqiq desək, sentyabrın 30-da başa çatan altı aylıq müddət şirkətə 304 milyon dollar həcmində gəlir gətirib. Bir il əvvəl bu göstəricinin 396 milyon dollar həcmində olduğu qeydə alınıb.   Şirkətin satışları 8 milyard dollardan 9,78 milyard dollara qədər artıb. Əməliyyat gəlirləri isə 513 dəfə artaraq 355,8 milyon dollara çatıb.   Uğurlu yarımilin fonunda "Shapr" bütün bu il üçün proqnozlarını  da yaxşılaşdırıb. Artıq şirkət 607,6 milyon dollar xalis gəlir əldə etməyi nəzərdə tutur. Müqayisə üçün bildirək ki, bundan öncəki proqnoz 517 milyon dollar təşkil edirdi. Son maliyyə ili isə "Sharp" üçün 217 milyon dollar itkilərlə yekunlaşmışdı.