Aliment ödənişi üzrə borclu kimi 5 ildir axtarışda olan şəxs Rusiyadan Azərbaycana ekstradisiya olunacaq
Sosial 01 Noy 2017 11:26:00 325 0
O, Rusiya ərazisində qeyri-qanuni yaşayıb
Rusiyanın Ryazan vilayətində aliment ödənişi üzrə borclu kimi 2012-ci ildən axtarışda olan Azərbaycan vətəndaşı saxlanılıb.
RBu barədə son.az "report"-a istinadən xəbər verir.
Sənədlərin yoxlanışı zamanı kişinin Rusiya Federasiyasının ərazisində qeyri-qanuni yaşadığı müəyyən edilib. Miqrasiya qanunvericiliyini pozan şəxs polis şöbəsinə aparılıb.
Sonrakı araşdırma nəticəsində polis əcnəbi vətəndaşın Azərbaycanın hüquq-mühafizə orqanlarının təşəbbüsü ilə 2012-ci ildən aliment borclusu kimi federal axtarış siyahısında olduğunu aşkar edib.
Adı açıqlanmayan bu şəxs Azərbaycan tərəfinə ekstradisiya olunacaq.
Mənbə: report.az