XİN: Xəzəryanı ölkələrin sammiti gələn ilin əvvəlində baş tuta bilər
Siyasət 31 Okt 2017 10:49:27 293 0
Rusiya, Azərbaycan, İran, Qazaxıstan və Türkmənistanın XİN başçıları dekabrda Moskvada görüşməyi planlaşdırırlar
"Report" TASS-a istinadən xəbər verir ki, bunu Rusiyanın xarici işlər nazirinin müavini Qriqori Karasin bildirib.
"Bu istiqamətdə işlər aparılır, indi biz bu sənədin müəyyən detallarını tamamlamağa çalışırıq. Bahara yaxın zamanda yekun saamiti təşkil etmək məqəsdi ilə bəlkə də hardasa dekabrda xarici işlər nazirlərini Moskvada toplamaq mümkün oldu. Bu dəfə sammit Qazaxıstanda, böyük ehtimalla Astanada keçiriləcək", - o deyib.
Xatırladaq ki, Xəzər dənizinin hüquqi statusuna dair Konvensiyanın Xəzəryanı ölkələrin növbəti sammitində imzalanması planlaşdırılır.
Beş ölkənin liderləri ilk dəfə 2002-ci ildə Aşqabadda görüşüblər. İkinci Xəzər sammiti 2007-ci ildə Tehranda, üçüncüsü 2010-cu ildə Bakıda, dördüncüsü 2014-cü ildə Həştərxanda keçirilib.