Rusiyanın Azərbaycandakı səfiri Energetika Nazirliyində olub (FOTO)


Digərləri 27 Okt 2017 19:36:00 343 0

Rusiyanın Azərbaycandakı səfiri Energetika Nazirliyində olub (FOTO)

Rusiyanın Azərbaycandakı səfiri Vladimir Doroxin Energetika Nazirliyində olub.

Bakı. Rusiyanın Azərbaycandakı səfiri Vladimir Doroxin Energetika Nazirliyində olub. Nazirlikdən Trend-ə verilən məlumata görə, səfir Azərbaycanın energetika naziri vəzifəsinə təyin edilməsi münasibətilə Pərviz Şahbazova Rusiyanın energetika naziri Aleksandr Novakın təbriklərini çatdıraraq bildirib ki, strateji tərəfdaşlıq xarakteri daşıyan əməkdaşlıq əlaqələri bundan sonra da iki ölkə arasında energetika sektorunda yeni nailiyyətlərlə möhkəmlənəcək. P.Şahbazov isə deyib ki, iki ölkənin xalqları arasında çoxəsrlik dostluq və mehriban qonşuluq ənənələri bütün sahələrdə uğurlu əməkdaşlığın formalaşmasını təmin edib. Bildirilib ki, “Azəri-Çıraq-Günəşli” blokunun, "Şahdəniz” qaz-kondensat yatağının işlənməsi, "Qarabağ” və Yalama-Samur strukturlarında birgə kəşfiyyat işlərində "LUKoil” şirkətinin təmsil olunması, Bakı-Novorossiysk neft kəməri, Rusiyanın digər neft-qaz şirkətləri ilə əməkdaşlıq enerji sahəsində tərəfdaşlıq münasibətlərinin əsas vasitələridir. Dünya enerji bazarında neftin qiymət sabitliyinə nail olunması istiqamətində aparılan məsləhətləşmələr və danışıqlarda Azərbaycanın Rusiya ilə birgə mövqedən çıxış etməsi isə yüksək səviyyədə qərarlaşmış əməkdaşlığın daha bir nümunəsidir. Görüşdə “Şimal-Cənub” enerji dəhlizi, enerji sahəsində əməkdaşlığın prioritet istiqamətləri və dünya enerji bazarındakı vəziyyət ətrafında geniş fikir mübadiləsi aparılıb. Trend-in ən mühüm və maraqlı xəbərlərini "Telegram"da izləyin