Rumıniya Beynəlxalq Riyaziyyat Olimpiadasına ev sahibliyi edəcək
Sosial 26 Okt 2017 05:11:00 337 0
Olimpiadaya azərbaycanlı riyaziyyatçılar da qatılacaq
3-14 iyul 2018-ci il tarixində məktəblilər arasında Beynəlxalq Riyaziyyat Olimpiadası Rumıniyanın Kluj-Napoka şəhərində keçiriləcək.
“Report”un Şərqi Avropa bürosu xəbər verir ki, bu barədə Rumıniyanın Təhsil Nazirliyi məlumat yayıb.
Bildirilir ki, 9-10 iyul tarixlərində keçiriləcək müsabiqə şəhərin “Polivalenta” idman sarayında baş tutacaq. Növbəti 2 gündə isə nəticələr qiymətləndiriləcək. Qaliblərin adları isə iyulun 13-də elan olunacaq. Azərbaycan məktəblilərinin də iştirak edəcəyi yarışa 100 ölkədən 600-dək iştirakçı qatılacaq.
Qeyd edək ki, 1959-cu ildə Beynəlxalq Riyaziyyat Olimpiadası ilk dəfə Rumıniyada keçirilib.
Mənbə: report.az