Lazım olanlar:   1 kq heyva 1 kq şəkər tozu Bir xörək qaşığı limon suyu 2 stəkan su   Hazırlanma qaydası:   Heyvaların qabıqlarını soyub, çox nazik olmayan şəkildə doğrayın. Bu zaman heyvanın çəyirdəyini də təmizləyib bir qaba yığın. Bir ləyənə suyu əlavə edib qaynadın. Daha sonra həmin suya doğranmış heyvaları və çəyirdəklərini əlavə edib 10 dəqiqə daha qaynadın. Üzərinə şəkər tozunu töküb, az odda 40 dəqiqə qaynadın. Daha sonra limon suyunu əlavə edib 1 buğum daha qaynadın və altını söndürün.   Bildirək ki, heyvanın çəyirdəkləri mürəbbəyə xüsusi rəng verir və mütləq istifadə etmək lazımdır. Mürəbbə hazır olduqdan sonra onun içərisindəki çəyirdəkləri çıxara bilərsiniz.   Həmçinin 1 gün əvvəldən ona şəkər tozu əlavə edib saxlamayın. Belə olduqda heyvalar bərkiyir.   Nuş olsun!