Son.az xezerxeber.az-a istinadən bildirir ki, Masazırda "Zəli gölü" adlanan ərazidə çökmə-sürüşmə sahələrində aktivlik müşahidə edilir. Ərazidə evlərə yaxın torpaq qatları çöküb. Sakinlər deyirlər ki, yağan yağışlardan sonra torpaq qatları axmağa başlayıb. Bəzi evlərdə çatlar yaranıb. Sürüşmə nöqtələri hələ də aktivliyini qoruyur. Hazırda sürüşmə sahəsində torpaqda olan çatların ölçüləri genişlənib. Məhz bununla əlaqədar olaraq aidiyyatı qurumlar ərazini nəzarətə götürüb. Masazırın "Zəli gölü" adlanan ərazisində 100-ə yaxın ailə yaşayır.