Ukraynanın Miqrasiya Xidməti Saakaşviliyə qaçqın statusu verməkdən imtina edib
Dünya 24 Okt 2017 16:01:48 270 0
Ukraynanın baş prokuroru: "Onun deportasiyasını qeyri-mümkün edən vəziyyət yoxdur"
Ukrayna Dövlət Miqrasiya Xidməti Gürcüstanın eks-prezidenti, Odessa vilayətinin sabiq qubernatoru Mixeil Saakaşviliyə qaçqın statusu verməkdən imtina edib.
"Report" "İnterfaks-Ukrayna"ya istinadən xəbər verir ki, bu barədə Ukraynanın baş prokuroru Yuri Lutsenko məlumat verib.
"Əvvəllər Saakaşvilinin deportasiyasını və ya ekstradisiyasını qeyri-mümkün edən statusa malik olduğunu bildirirdimsə, indi Dövlət Miqrasiya Xidməti ona qaçqın statusu verməkdən imtina edib. Cənab Saakaşvili həmişə olduğu kimi, bu qərardan məhkəməyə şikayət etməyib", - Y.Lutsenko jurnalistlərə bildirib.
Onun sözlərinə görə, artıq Saakaşvilinin deportasiyasını və ya ekstradisiyasını qeyri-mümkün edən xüsusi vəziyyət yoxdur.
Mənbə: report.az