PA-nın məsləhətçisi: "Bütün məsələlərdə beynəlxalq təcrübəyə əsaslanmaq olmur"
Sosial 24 Okt 2017 11:29:08 286 0
Əli Ağayev: "Məişət zorakılığı ilə mübarizədə yerli şərait nəzərə alınmalıdır"
"Azərbaycan hökuməti cəza siyasətinin sərtləşdirilməsinin deyil, humanistləşdirməsinin tərəfdarıdır".
"Report" xəbər verir ki, bunu "Məişət zorakılığı ilə mübarizədə effektiv cavab mexanizminin yaradılması" mövzusunda keçirilən konfransda Azərbaycan Prezidenti Administrasiyasının Hüquq-mühafizə orqanları ilə iş və hərbi məsələlər şöbəsinin məsləhətçisi Əli Ağayev deyib.O bildirib ki, məişət zorakılığının qarşısının alınması üçün əsasən hüququ təbliğat və maarifləndirmə üsullarından istifadə olunmalıdır: "Təbii ki, məqsədəuyğun təkliflər həmişə nəzərə alınır".Ə.Ağayev qeyd edib ki, məişət zorakılığının qarşısının alınmasında, istər barışıq məsələsi olsun, istər cəzalandırma məsələsində yerli şərait nəzərə alınmalıdır: "Bütün məsələlərdə beynəlxalq təcrübəyə əsaslanmaq olmur".
Mənbə: report.az