"Arsenal"ın hücumçusu Olivye Jirunun "Crystal Palace"ın qapısına dabanı ilə vurduğu qol FİFA versiyası üzrə 2017-ci ilin ən gözəl qolu seçilib. Goal.az xəbər verir ki, Jiru ilin ən gözəl qoluna görə Ferenz Puşkaş mükafatına layiq görülüb. 2009-cu ildən təqdim olunan mükafata Kriştianu Ronaldo, Həmid Altıntop, Neymar, Miroslav Stoh, Zlatan İbrahimoviç, Hames Rodriqes, Faiz Subri Vendell Lira sahib çıxıb. Puşkaş mükafatına Jiru ilə yanaşı Deyna Kastelyanos (Venesuelanın qadınlardan ibarət U-17 yığması, 24.10.2016) və qapıçı Oskarine Masulukenin ("Baroka", 04.12.2016) qolları iddialı idi.