Son.az Xalq.az-a istinadən xəbər verir ki, əməkdar artist Ədalət Şükurov şəxsi "İnstagram" səhifəsində maraqlı paylaşım edib. O, video ilə sevənlərinə müraciət edib. Müğənni videoda bildirib ki, bu axşam "Maşın" şounun final gecəsidir. Gecədə çıxış edəcəyini qeyd edərək, sevənlərindən hansı mahnını ifa etməsini soruşub.

Qeyd edək ki, "Maşın" şouda finala 3 nəfər qalmışdı. Aparıcı Vüsalə Əlizadə, müğənni Talıb Taleh və Xatun. Verilən məlumata görə, bu gün Vüsalə Əlizadə səhhətində yaranan problemlərə görə, şounu tərk edib. Ədalət Şükürovun paylaşımından bu qənaətə gəlmək olar ki, finala qalan 2 müğənnidən biri də oyunun şərtlərinə tab gətirə bilməyib.