Araşdırmalara görə, az miqdarda spirtli içki qəbul etmək xarici dildə danışmağı asanlaşdırır.

Son.az BBC-yə istinadla bildirir ki, az miqdarda qəbul edilən spirt əvvəllər öyrənilən dili sərbəst şəkildə danışmağa kömək edir.

Hollandiyanın Maastricht universitetində ingilis alimlərlə birlikdə spirtli içkilərin dil öyrənməyə təsiri ilə bağlı araşdırma aparılıb.

Test üçün əvvəllər holland dilini öyrənən 50 nəfərlik alman vətəndaşlarından ibarət qrupa az miqdarda spirtli içki verilib.

Spirtin miqdarı araşdırmaya qatılanların çəkilərinə uyğun olaraq müəyyən edilib. Məsələn, 70 kiloqram ağırlığında olan şəxsə 460 millilitr pivə verilib. Qalan 50 nəfərə isə spirtsiz içki verilib. Araşdırmada iştirak edənlərə isə bu barədə məlumat verilməyib.