Premyer Liqada IX turun daha iki oyunu keçiriləcək
İdman 21 Okt 2017 10:33:00 304 0
Bu gün Azərbaycan Premyer Liqasında IX turun daha iki oyunu keçiriləcək.
Goal.az-ın məlumatına görə, turun ikinci günü “Neftçi”nin matçı ilə başlayacaq.
Ardıcıl iki qələbə ilə durumunu yaxşılaşdıran Tərlan Əhmədovun yetirmələri “Kəpəz”in qonağı olacaq. Autsayder mövsümdə ilk dəfə doğma Gəncə stadionuna çıxacaq. Azərbaycanın iki ən köklü klubunun dueli rəqiblər üçün irəliləmək şansıdı. “Ağ-qaralar” da, Şahin Diniyevin yetirmələri də Azərbaycan derbisində qazanılacaq qələbə ilə turnir cədvəlində 2 addım önə keçə bilər.
İkinci oyun günü lideri dəyişə bilər. “Sumqayıt”ın qonağı olacaq “Zirə” ən azı 1 günlük zirvəni ələ keçirmək imkanına malikdi. Bunun üçün Ayxan Abbasovun yetirmələrinə 1 xal da kifayətdi. Cari mövsümdə uduzmayan bakılılar Sumqayıt səfərində uğurlu seriyasını davam etdirməlidi. Samir Abasovun komandası isə itirmək üzrə olduğu mövqeyini qorumaq, avrokubok şanslarını zərbə altına salmamaq üçün qalib gəlməlidir.
Azərbaycan Premyer LiqasıIX tur21 oktyabr (şənbə)
15:00. “Kəpəz” – “Neftçi”
Hakimlər: Əliyar Ağayev, Zeynal Zeynalov, Rza Məmmədov, Orxan Məmmədov
AFFA nümayəndəsi: Namiq Məstanov
Hakim-inspektor: Xaqani Məmmədov
Gəncə şəhər stadionu
17:00. “Sumqayıt” – “Zirə”
Hakimlər: İnqilab Məmmədov, Mehman Mahmudov, Vaqif Musayev, Rəvan Həmzəzadə
AFFA nümayəndəsi: Elçin Məmmədov
Hakim-inspektor: Murad Məmmədov
Sumqayıt şəhər stadionu
Turnir cədvəli
1. | Qarabağ | 7 | 6 | 1 | 0 | 14-3 | 19 |
2. | Zirə | 8 | 5 | 3 | 0 | 15-5 | 18 |
3. | Qəbələ | 8 | 5 | 1 | 2 | 11-8 | 16 |
4. | Sumqayıt | 8 | 3 | 1 | 4 | 8-11 | 10 |
5. | Səbail | 8 | 3 | 0 | 5 | 5-12 | 9 |
6 | İnter | 9 | 2 | 2 | 5 | 7-12 | 8 |
7. | Neftçi | 8 | 2 | 1 | 5 | 9-9 | 7 |
8. | Kəpəz | 8 | 1 | 1 | 6 | 5-14 | 4 |
Bombardir: Mahir Mədətov ("Qarabağ") - 5 qol