Son.az Trend-ə istinadən xəbər verir ki, Cinayət Məcəlləsinə ümumilikdə 300-ə yaxın dəyişiklik nəzərdə tutulub.

Belə ki, Məcəllədən bir sıra maddələr çıxarılıb. Cinayət tərkiblərinin Cinayət Məcəlləsindən çıxarılması yolu ilə bu əməllər dekriminalaşdırılıb. Belə əməllərin sayı 15-dir. Bunlar əsasən mülkiyyət əleyhinə cinayətlər və ehtiyatsızlıqla törədilən cinayətlərdir.

Məcəlləyə yeni cəza növü, yəni "azadlığın məhdudlaşdırılması" cəza növü də əlavə edilib. Azadlığın məhdudlaşdırılması və digər bu kimi cəzalar bütövlükdə 152 maddənin sanksiyasına daxil edilib.