Bakı. Bu gün Moskvada Yaponiyanın səfirliyinə bomba qoyulması barədə anonim zəng olub. Trend-in məlumatına görə, anonim zəng paytaxt fövqəladə xidmətinə daxil olub. Məlumata görə, zəngdən dərhal sonra səfirliyin binası təxliyə edilib. Hazırda Qroxolski döngəsi 27 ünvanında yerləşən səfirliyin binası nəzarətə götürülüb. Binada mütəxəssislər tərəfindən axtarış aparılıır. Qeyd edək ki, bomba qoyulması barədə anonim zənglər dalğası sentyabrın 11-dən başlayaraq bütün Rusiyanı bürüyüb.