Ədliyyə orqanları işçilərinin attestasiyası qaydası təsdiqlənib


Siyasət 20 Okt 2017 10:42:32 155 0

Ədliyyə orqanları işçilərinin attestasiyası qaydası təsdiqlənib

Bununla bağlı qərarı baş nazir Artur-Rasi-zadə imzalayıb

Azərbaycan Nazirlər Kabineti “Ədliyyə orqanları işçilərinin attestasiyası Qaydası”nı təsdiq edib.

“Report”un xəbərinə görə, bununla bağlı qərarı baş nazir Artur-Rasi-zadə imzalayıb.

Bu qayda ədliyyə orqanlarında xüsusi rütbə nəzərdə tutulan vəzifələrdə çalışan işçilərin (bundan sonra – işçi) attestasiyasının keçirilməsi qaydasını müəyyən edir.

Attestasiyanın keçirilməsinin əsas məqsədləri aşağıdakılardır:

1. işçinin tutduğu vəzifəyə uyğun gəlib-gəlmədiyinin müəyyənləşdirilməsi,

2. işçinin potensial imkanlarından istifadə etmək mümkünlüyünün aşkara çıxarılması, peşə səriştəliliyinin artırılmasının stimullaşdırılması,

3. işçinin ixtisasının və peşə hazırlığının yüksəldilməsinin və ya təkrar hazırlıq keçməsinin zərurət dərəcəsinin müəyyənləşdirilməsi,

4. kadrların irəli çəkilməsi proqramının həyata keçirilməsi.

Yalnız müvafiq vəzifələrdə azı 1 il çalışan işçinin attestasiyası keçirilə bilər. İşçinin attestasiyası 5 ildə bir dəfədən çox olmayaraq keçirilir.

Ədliyyə orqanlarında xüsusi rütbə nəzərdə tutulmayan vəzifələrdə çalışan və dövlət qulluqçusu olmayan işçilərin attestasiyası əmək qanunvericiliyi ilə tənzimlənir.

Ədliyyə Nazirliyinin (bundan sonra – Nazirlik) tibb xidmətində praktik tibb və ya əczaçılıq fəaliyyəti ilə məşğul olan işçilərin peşəkarlıq səviyyəsinin və peşə yararlılığının yoxlanılması məqsədi ilə həmin işçilər sertifikasiyaya cəlb edilirlər.

Bu işçilərin attestasiyası keçirilmir:

1. müvafiq vəzifədə bir ildən az qulluq keçən işçilər,

2. stajorluq müddətində olan işçilər,

3. uşağının 3 yaşınadək sosial məzuniyyətdə olan və həmin məzuniyyət bitdikdən sonra 1 (bir) ildən az müddətdə müvafiq vəzifədə çalışan işçilər,

4. eyni vəzifədə azı üç dəfə attestasiya edilərək, tutduğu vəzifəyə uyğun olduğu müəyyən edilmiş işçilər.

İşçilərin attestasiyasının keçirilməsi məqsədi ilə Nazirlikdə və müvafiq struktur qurumlarında azı 5 nəfərdən ibarət attestasiya komissiyaları yaradılır. Attestasiya komissiyalarının tərkibi sədrdən, katibdən və digər üzvlərdən ibarət olmaqla, Azərbaycan Respublikasının ədliyyə naziri tərəfindən təsdiq edilir.

Attestasiya kollegial, obyektiv surətdə keçirilir. Attestasiya komissiyasının işinə yüksəkixtisaslı mütəxəssislər və elmi ekspertlər cəlb edilə bilərlər.

Korrupsiya ilə əlaqədar hüquqpozmalarla bağlı məlumat vermiş işçi attestasiyadan keçirildikdə, Nazirliyin korrupsiya ilə əlaqədar məlumatların verilməsi üçün müəyyən edilən müvafiq vəzifəli şəxsi və ya struktur bölməsinin nümayəndəsi attestasiya komissiyasının iclasında iştirak etməlidir.

Attestasiyanın keçirilməsinin müddətləri, sualların hazırlanmasında istifadə olunan hüquqi aktların və digər məlumat mənbələrinin siyahısı attestasiya komissiyasının sədri tərəfindən təsdiq edilir və attestasiyanın başlanılmasına ən geci 1 ay qalmış attestasiyadan keçən işçilərin nəzərinə çatdırılır.

Attestasiyadan keçməli olan hər bir işçiyə attestasiyanın başlanılmasına ən azı 2 həftə qalmış onun bilavasitə rəhbəri tərəfindən hazırlanmış xidməti xasiyyətnamə verilir və həmin işçi ona verilən xasiyyətnamə ilə tanış olmalıdır.

Xasiyyətnamədə işçinin xidməti fəaliyyətinə qiymət verilir, fərdi xüsusiyyətləri, güclü və zəif cəhətləri, keçən dövr ərzindəki işinin nəticələri göstərilir. Sonrakı attestasiyalarda komissiyaya əvvəlki attestasiyanın attestasiya vərəqəsi də təqdim edilir.

Attestasiya komissiyasının üzvləri tərəfindən işçiyə yalnız tutduğu vəzifəyə, ixtisasına, icra etdiyi işlərə və onların nəticələrinə, habelə tutduğu vəzifəyə uyğunluğunu müəyyən etmək üçün qanunvericiliklə müəyyən edilmiş hüquqlarına, qulluq funksiyalarına aid olan məsələlərlə əlaqədar suallar verilə bilər. Attestasiya olunan işçiyə onun xidməti fəaliyyətinə bilavasitə aid olmayan sualların verilməsi, habelə onun siyasi baxışlarına və etiqadına görə qiymətləndirilməsi yolverilməzdir.

İşçi attestasiyadan keçirilərkən onun bilavasitə rəhbəri attestasiyaya dəvət edilə bilər. Attestasiya komissiyası attestasiyadan keçən işçinin fəaliyyəti haqqında onun məlumatını dinləyir və təqdim edilmiş materialları nəzərdən keçirir.

İşçi üzrlü səbəb olmadan və ya üzrlü səbəbdən attestasiya komissiyasının iclasına gəlmədikdə, attestasiyadan keçirilməmiş hesab edilir. Həmin işçi attestasiya komissiyasının növbəti iclasında attestasiyadan keçməlidir.

İşçi üzrlü səbəb olmadan attestasiya komissiyasının iclasına gəlmədikdə, həmin işçi intizam tənbehi tədbirləri tətbiq edilə bilər.

Attestasiya komissiyası attestasiyanın nəticələri əsasında işçinin mükafatlandırılması, vəzifədə irəli çəkilməsi və ya irəli çəkilmək üçün ehtiyat kadrlar siyahısına daxil edilməsi, əlavə təhsilə cəlb olunması, qulluq fəaliyyətinin, işinin nəticələrinin yaxşılaşdırılması, aşağı və ya başqa vəzifəyə keçirilməsi, yaxud tutduğu vəzifədən azad edilməsi haqqında tövsiyələr verə bilər. Bu halda attestasiya komissiyası irəli sürdüyü tövsiyələri əsaslandırmalıdır.

İşçinin fəaliyyətinə verilən qiymət və attestasiya komissiyasının tövsiyələri attestasiyadan keçən işçinin iştirakı olmadan komissiyanın iclasında açıq səsvermə yolu ilə qəbul edilir.

Attestasiya və səsvermə attestasiya komissiyasının üzvlərinin ən azı üçdə iki hissəsinin iştirakı ilə keçirilir. Səsvermənin nəticələri səs çoxluğu ilə müəyyən edilir. Səslər bərabər olduqda, attestasiyadan keçən işçi tutduğu vəzifəyə uyğun hesab edilir. Attestasiya komissiyasının üzvü olan işçi attestasiyadan keçərkən, səsvermədə iştirak etmir. Attestasiyanın nəticələri səsvermədən dərhal sonra işçiyə bildirilir.

İşçi attestasiyanın nəticələrindən 7 iş günü müddətində inzibati qaydada və ya məhkəmə qaydasında şikayət edə bilər.

Latviya Seyminin Komissiya sədri: "Azərbaycanla əməkdaşlıq etmək Avropanın gələcəyidir" like
  • 20 Okt 10:39  
Siyasət Latviya Seyminin Komissiya sədri: "Azərbaycanla əməkdaşlıq etmək Avropanın gələcəyidir"

"Ermənistan işğal etdiyi Azərbaycan torpaqlarını azad edərsə, bu, Ermən

arrow Ətraflı
Əməkdar artist Zaurun verilişin yarımçıq tərk etdi  FOTO like
  • 20 Okt 10:38  
Digərləri Əməkdar artist Zaurun verilişin yarımçıq tərk etdi FOTO

Dünənn "5/5" verilişinin növbəti buraxlışında efir məkanında

arrow Ətraflı
Bu il ARDNF aktivlərini 9%-ə yaxın artırıb like
  • 20 Okt 10:36  
İqtisadiyyat Bu il ARDNF aktivlərini 9%-ə yaxın artırıb

Bu rəqəm oktyabrın 1-ə 36,02 mlrd. ABŞ dolları təşkil edib

arrow Ətraflı
Pərvin Abıyevanın dəbdəbəli ad günündə qaynar rəqs  VİDEO like
  • 20 Okt 10:36  
Şou-biznes Pərvin Abıyevanın dəbdəbəli ad günündə qaynar rəqs VİDEO

Aktrisa Pərvin Abıyeva özünə dəbdəbəli ad günü mərasimi keçirib. 

arrow Ətraflı
Dövlət Neft Fondunun 9 aylıq gəlir və xərcləri açıqlanıb like
  • 20 Okt 10:35  
Digərləri Dövlət Neft Fondunun 9 aylıq gəlir və xərcləri açıqlanıb

2017-ci ilin yanvar-sentyabr ayları ərzində Azərbaycan Respublikası Dövlə

arrow Ətraflı
Türkmənistanda əhalinin siyahıya alınması keçiriləcək like
  • 20 Okt 10:32  
Dünya Türkmənistanda əhalinin siyahıya alınması keçiriləcək

Hazırda ölkə əhalisinin sayı 5 milyon 663 min nəfərdir

arrow Ətraflı
Universitetə silahlı hücum: like
  • 20 Okt 10:31  
Dünya Universitetə silahlı hücum:

ABŞ-ın Kolorado ştatındakı eyniadlı universitetin kampusunda silahlı hüc

arrow Ətraflı
Azərbaycanda müdafiə üçün ayrılan vəsaitin məbləği məlum olub like
  • 20 Okt 10:30  
Digərləri Azərbaycanda müdafiə üçün ayrılan vəsaitin məbləği məlum olub

Azərbaycanda 2018-ci ildə dövlət büdcəsindən müdafiə üçün ayrılan v

arrow Ətraflı
Azərbaycan avtomobil idxalını 70% artırıb like
  • 20 Okt 10:29  
İqtisadiyyat Azərbaycan avtomobil idxalını 70% artırıb

Bu ilin ilk 9 ayında ölkəyə 5 783 ədəd minik avtomobili və digər motorlu

arrow Ətraflı
DİM-dən İRAD: Vakant dövlət qulluğu vəzifələrinin təqdim edilməməsi halları var like
  • 20 Okt 10:25  
Digərləri DİM-dən İRAD: Vakant dövlət qulluğu vəzifələrinin təqdim edilməməsi halları var

Dövlət qulluğuna qəbul üçün müsabiqədə təqdim etmək üçün vakant d

arrow Ətraflı
Bakıda Fransız akkordeon ifaçısının eksklüziv konserti olacaq (FOTO) like
  • 20 Okt 10:22  
Digərləri Bakıda Fransız akkordeon ifaçısının eksklüziv konserti olacaq (FOTO)

Bakıda oktyabrın 25-də Fransız akkordeon ifaçısı Rişar Qalyanonun ekskl

arrow Ətraflı