Azərbaycan Aşıqlar Birliyi "Qorqud Ata Aşıqlar Karvanı" beynəlxalq aşıq festivalının bağlanış mərasimində iştirak etmək üçün Türkiyəyə gedəcək.

Bunu "Report"a açıqlamasında Azərbaycan Aşıqlar Birliyinin sədri Məhərrəm Qasımlı deyib.

O qeyd edib ki, tədbir noyabrın 24-də baş tutacaq: "Azərbaycan da bu tədbirin təşkilatçılarından biridir. Kiprdə açılışı keçirilən festival Özbəkistan, Qazaxıstan və Azərbaycanda davam edib. Bağlanış mərasimi noyabrın 24-də Türkiyədə olacaq. Ona görə də bağlanış tədbirinə ciddi hazırlaşırıq. Festivalın gələn ilin payızında yenidən təşkil olunması planlaşdırılır. Növbəti dəfə festivala 10-a yaxın türkdilli ölkənin cəlb edilməsi planlaşdırılır".