"Mitsubishi Electric"in rəsmi distribyutoru "NewCond" "Aquatherm Baku" sərgisində iştirak edir


Digərləri 19 Okt 2017 14:07:20 340 0

"Mitsubishi Electric"in rəsmi distribyutoru "NewCond" "Aquatherm Baku" sərgisində iştirak edir

Mitsubishi Electric brendinin rəsmi distribyutoru NewCond şirkəti "Aquatherm Baku" sərgisində iştirak edir .

Bakı. NewCond şirkəti 18-21 oktyabr tarixlərində Bakı Ekspo Mərkəzində keçirilən 10-cu Yubiley Beynəlxalq İstilik, Havalandırma, Kondisiyalaşdırma sistemləri, Su Təchizatı, Sanitariya, Ətraf mühitin Mühafizəsi Texnologiyaları, Üzgüçülük Hovuzu və Bərpa Olunan Enerji “Aquatherm Baku 2017” sərgisində iştirak edir. Şirkət 1997-ci ildən etibarən məşhur Yapon brendi Mitsubishi Electric kondisionerlərinin rəsmi distribyutorudur. NewCond müştərilərə üç satış salonundan keyfiyyətli və peşəkar xidmətlər göstərir. Hazırda NEWCOND şirkətinin fəaliyyətinin əsas istiqamətləri isitmə, soyutma və havalandırma sistemləridir. “Mitsubishi Electric Europe B.V.” şirkətinin distribyutoru olaraq “Changes for the Better” (yaxşılığa doğru dəyişikliklər) şüarı altında fəaliyyət göstərir. NewCond A2212 nömrəli stendində öz innovativ və yüksək texnoloji məhsullarını təqdim edir. Bunların sırasında ilin ən zövqlü və eleqant yeniliyi olan Premium İnverter MSZ-LN seriyalı divar tipli kondisionerləri xüsusi yer tutur. Müasir dizaynı və geniş funksionallığı ilə seçilən, +46°C istidə və -20°C şaxtada işləyən LN seriyalı kondisionerlər Avropada ən prestijli sayılan Good Design Award premiyası ilə təltif olunub. "Premium İnverter" seriyası enerjiyə 40% qənaət etməklə 2017-ci ilin ən qənaətçil kondisioneri hesab edilir. Əlavə olaraq, stendin qonaqları keyfiyyətinə görə dünya liderlərindən biri olan Mitsubishi Electric brendinin digər məişət, sənaye, yarımsənaye kondisionerləri, multi sistem və multizonal VRF sistemləri ilə yaxından tanış olma imkanına malik olacaqlar. Şirkətin geniş təcrübəli mütəxəssisləri maraqlanan hər kəsə məhsulların texniki özəlliyi haqqında ətraflı məlumat təqdim etməyə hər zaman hazırdırlar. Bu isə öz növbəsində peşəkar məsləhət alma imkanı deməkdir.