London metrosunda bıçaqla hücum: ölən və yaralananlar var
Dünya 17 Okt 2017 08:23:00 324 0
08:23
London metrosunun "Parsons Green" stansiyası yaxınlığında naməlum şəxsin bıçaqla insanlara hücumu etməsi nəticəsində 1 nəfər ölüb, 2 nəfər yaralanıb.
Son.az APA-ya istinadən xəbər verir ki, yaralılar xəstəxanaya yerləşdirilib. Onların vəziyyətləri barədə məlumat verilmir. Hadisə yerinə polis qüvvələri cəlb edilib, ərazidə istintaq tədbirləri aparılır. "Parsons Green" metro stansiyası sərnişinlər üçün bağlanıb. Skotland-Yard hücumun terrorla əlaqəli olmadığını vurğulayıb. Bununla belə, hadisə ilə əlaqədar saxlanılan yoxdur. Xatırladaq ki, sentyabrın 15-də "Parsons Green" metro stansiyasında törədilən partlayış nəticəsində 30 nəfər yaralanmışdı. Polis hadisəni terror aktı kimi qiymətləndirmişdi. 00:25 London metrosunda naməlum şəxs bıçaqla insanlara hücum edib. Son.az APA-ya istinadən xəbər verir ki, bu barədə "The Independent" qəzeti xəbər verib. "Parsons Green" stansiyasında baş verən insident nəticəsində 3 nəfər xəsarət alıb. Skotland- Yard hücumu terrorla əlaqələndirmir. Xatırladaq ki, sentyabrın 15-də "Parsons Green" metro stansiyasında törədilən partlayış nəticəsində 30 nəfər yaralanmışdı.