Qazaxıstan prezidenti Qırğız Respublikasının yeni seçilən prezidentini təbrik edib
Dünya 16 Okt 2017 17:02:35 325 0
Nursultan Nazarbayev: “Qazaxıstanla Qırğız Respublikası arasında qarşılıqlı əməkdaşlıq ölkələrimizin rifahı naminə gələcəkdə də inkişaf edəcək”
Qazaxıstan prezidenti Nursultan Nazarbayev Qırğız Respublikasının yeni seçilən prezidenti Sooronbay Jeenbekova təbrik teleqramı göndərib.
“Report” Qazaxıstan KİV-inə istinadən xəbər verir ki, bu barədə Qazaxıstan prezidentinin Mətbuat xidməti məlumat yayıb.
"İnanıram ki, Qazaxıstanla Qırğız Respublikası arasında qarşılıqlı əməkdaşlıq ölkələrimizin rifahı naminə gələcəkdə də inkişaf edəcək”, - Nursultan Nazarbayev vurğulayıb.
Qeyd edək ki, oktyabrın 15-də Qırğız Respublikasında keçirilən prezident seçkisində hakim partiyanın nümayəndəsi, keçmiş baş nazir Sooronbay Jeenbekov 54,81 faiz səslə qalib gəlib.
Mənbə: report.az