Son.az "Report"a istinadən bildirir ki, bu barədə RİA "Novosti" Rusiyanın Milli Antiterror Komitəsinə istinadən xəbər verib. Xəbərdə qeyd edilir ki, təhlükəsizlik orqanlarının birgə keçirdiyi əməliyyat zamanı Dağıstanda terror aktları törətməyi planlaşdıran 4 quldur saxlanılıb. Onlar Moskvada və Mahaqçalada yaxalanıblar. Saxlanılanların hamısı Dağıstan əsillidir. Onlar İŞİD üzvləri ilə əlaqədə olduqlarını, həmçinin əldəqayırma partlayıcı vasitələrdən və soyuq silahlardan istifadə etməklə, Dağıstanda insanların kütləvi iştirak etdiyi tədbirlərdə terror aktları törətməyə, həmçinin hüquq-mühafizə orqanlarının və hərbçilərin həyatına sui-qəsd hazırladıqlarını etiraf ediblər.