Bakı. Oğurluq etməkdə şübhəli bilindiyinə görə tutulan Röyal Əliyevin 21 metr mis kabeli oğurlaması da müəyyən edilib. Daxili İşlər Nazirliyindən Trend-ə verilən məlumata görə, oğurluq etməkdə şübhəli bilindiyinə görə tutulan R.Əliyevlə bağlı Nəsimi RPİ 19-cu PB-nin əməkdaşları tərəfindən aparılan əməliyyat tədbirləri ilə onun avqustun 24-də “Azercell Telekom” MMC-yə məxsus rabitə stansiyasından 843 ABŞ dolları dəyərində 21 metr mis kabeli oğurlaması da müəyyən edilib.