Azərbaycanda dövriyyədə olan kredit kartlarının sayı bu ilin avqust ayında 10 min ədəd və ya 1,8% artaraq sentyabrın 1-nə 577 min ədədə çatıb.

"Report" bu barədə Azərbaycan Mərkəzi Bankının (AMB) aylıq hesabatına istinadən xəbər verir.

İlin əvvəli ilə müqayisədə isə kredit kartlarının sayında 54 min ədəd və ya 8,6% azalma qeydə alınıb.

Ümumiyyətlə, sentyabrın 1-nə ölkədə 5 597 min ödəniş kartı dövriyyədə olub. Bunun da 5 020 min ədədini (89,7%) debet kartları, o cümlədən 2 515 min ədədini sosial kartlar (44,9%), 1 744 min ədədini əmək haqqı kartları (31,2%) təşkil edib.

Beləliklə, sentyabrın 1-nə Azərbaycanda dövriyyədə olan ödəniş kartlarının 10,3%-i kredit kartlarının payına düşüb.