ABŞ təbii fəlakətdən əziyyət çəkən ştatlara 36,5 mlrd. dollar ayıracaq
Dünya 13 Okt 2017 06:39:09 306 0
Qanun layihəsi 353 konqresmen tərəfindən dəstəklənib
ABŞ-ın Nümayəndələr Palatası təbii fəlakətdən zərər çəkən ştatlara və Puerto-Rikoya 36,5 milyard dollar vəsaitin ayrılmasını təsdiq edib.
“Report” TASS-a istinadən xəbər verir ki, bu barədə “The Hill” nəşri yazıb.
Qanun layihəsini 353 konqresmen dəstəkləyib, 69 nəfər onun əleyhinə çıxış edib.
Nəşrin məlumatına görə, bu vəsait həm bu yaxınlarda baş vermiş qasırğanın fəsadlarının aradan qaldırılmasına, həm də ölkənin qərbində yanğından ziyan çəkmiş infrastrukturun bərpasına sərf olunacaq.
İndi qanun layihəsini Senat təsdiq etməlidir.
Mənbə: report.az