Türkiyədə tikilən "Petkim" zavodu üçün "neft səbəti" həm ağır, həm də yüngül sort neftdən ibarət olacaq.

"Report" xəbər verir ki, bu barədə SOCAR-ın Marketinq və iqtisadi əməliyyatlar İdarəsinin rəhbəri Ədnan Əhmədzadə SOCAR-ın Türkiyədə tikilməkdə olan "Petkim" neft emalı zavodunun xammal ilə təchizatı məsələsini şərh edərkən bildirib.

"SOCAR müqavilə bağlayıb və üzərinə öhdəlik götürüb. Layihə üçün kredit ayıran bütün maliyyə və bank institutları qarşısındakı öhdəliklərə əsasən, SOCAR bu zavoda 10 mln. ton xam neft tədarük etməyi öz üzərinə götürüb", - deyə Ə.Əhmədzadə vurğulayıb.

Onun sözlərinə görə, "neft səbəti" kifayət qədər geniş olacaq: həm ağır, həm də yüngül sort neft tədarükü planlaşdırılır.