Bolqarıstan prezidenti Azərbaycana rəsmi səfərə gələcək
Siyasət 12 Okt 2017 11:25:39 336 0
Səfər zamanı Azərbaycan qazının Bolqarıstana tədarükü məsələsi müzakirə olunacaq
Bolqarıstan prezidenti Rumen Radev Azərbaycana rəsmi səfərə gələcək.
"Report" Bolqarıstan mətbuatına istinadən xəbər verir ki, səfər oktyabrın 13-14-də baş tutacaq.
R.Radevin Azərbaycan Prezidenti İlham Əliyev, baş nazir Artur Rasi-zadə, Milli Məclis rəhbərliyi və digər rəsmilərlə görüşəcəyi gözlənilir.
Görüşlərdə iki ölkə arasında siyasi dialoqun genişləndirilməsi, ticari-iqtisadi, təhsil, elm, mədəniyyət, energetika və nəqliyyat sahəsində əməkdaşlıq, o cümlədən Azərbaycan qazının Bolqarıstana tədarükü, eləcə də aktual beynəlxalq problemlərin və qlobal təhlükəsizlik məsələlərinin müzakirə olunması planlaşdırılır.
Mənbə: report.az