Suriyada britaniyalı terrorçu qadın öldürüldü


Dünya 12 Okt 2017 09:22:00 301 0

Suriyada britaniyalı terrorçu qadın öldürüldü

Suriyada İŞİD-ə qoşulmuş "ağ dul qadın" ləqəbli  Böyük Britaniya vətəndaşı Salli Cons öldürülüb.

Son.az APA-ya istinadən xəbər verir ki, bu barədə "Times" qəzeti yazıb. Salli Cons Rakka şəhərində ABŞ-a məxsus pilotsuz uçuş aparatın (PUA) endirdiyi zərbə nəticəsində məhv edilib. Terrorçu qadınla birgə onun 12 yaşlı oğul övladı da ölüb.   Dörd il əvvəl 45 yaşlı Salli Cons Birminqem şəhərindən olan Cüneyd Hüseynə ərə gedərək Suriyaya üz tutub. Avropa vətəndaşlarını İŞİD terror təşkilatına cəlb edən əsas şəxs kimi tanınan  Cüneyd Hüseynin azı 12 terror aktında əli olduğu məlum olub.   2015-ci ildə C.Hüseyn pilotsuz uçuş aparatı tərəfindən vurularaq məhv edilib. Onun ölümünə görə intiqam almaq istədiyini bəyan edən S.Cons Qərb ölkələrində terror aktları planlaşdıran diversant qrupuna rəhbərlik etdiyini bəyan edib.