Ekstremal temperaturda işləyən yaddaş kartları satılacaq
Digərləri 12 Okt 2017 08:31:00 576 0
"Western Digital" şirkəti yaddaş kartlarının yeni seriyasını təqdim edib. "SD" və "microSD" formatlı daşıyıcılar yüksək təhlükəsizlik dərəcəsinə malikdir, nəqliyyat vasitələri və sənaye avadanlığında istifadə üçün nəzərdə tutulub.
Son.az ICTnews-a istinadən bildirir ki, yenilik üç istehsal xəttinə bölünür: "SanDisk Automotive", "Industrial" və "Industrial XI". Birinci istehsal xəttinə aid olan 8, 16, 32 və 64 QB-lıq avtomobil SD kartları -40-dan +85 selsi dərəcəyədək temperaturda işləyir.
Sənaye sistemləri üçün daşıyıcılar "SD" və "microSD" versiyalarında təqdim olunub və -25-dən +85 selsi dərəcəyədək temperaturda işləyir. Daşıyıcıların tutumu 8-128 QB aralığındadır.
Nəhayət, "Industrial XI" istehsal xəttinə aid olan 8-64 QB-lıq "SD" kartlar -40-dan +85 selsi dərəcəyədək temperaturda işləyir.
Mənbə: milli.az