Dünya çempionatına vəsiqə qazanan komandaların sayı 23-ə çatıb
Digərləri 11 Okt 2017 10:30:47 214 0
Panama millisinin tarixində ilk dəfə mudialda iştirak edəcəyi dəqiqləşib
“Report” xəbər verir ki, Şimali, Mərkəzi Amerika və Karib hövzəsi ölkələri Futbol Konfederasiyası zonasında V raundun sonuncu turunda Kosta Rika yığmasını 2:1 hesabı ilə məğlub edən Panama millisinin də mudialda iştirak edəcəyi dəqiqləşib.
İlk dəfə mundiala qatılacaq panamalılarla eyni xala malik Honduras isə “pley-off”da Asiya zonasında çıxış edən Avstraliya ilə qarşılaşacaq.
Qeyd edək ki, daha əvvəl ev sahibi ilə yanaşı, Avropadan Fransa, Portuqaliya, Belçika, Almaniya, Serbiya, Polşa, İngiltərə və İspaniya Rusiyada keçiriləcək dünya çempionatının final mərhələsinə yüksəlib. İsveç, İsveçrə, Şimali İrlandiya, İrlandiya, Danimarka, İtaliya, Yunanıstan və Xorvatiya isə "play-off"da qalan 4 vəsiqə üçün mübarizə aparacaqlar.
Həmçinin, Cənubi Amerikadan Braziliya, Uruqvay, Argentina, Kolumbiya, eləcə də Şimali, Mərkəzi Amerika və Karib hövzəsindən Meksika ilə Kosta-Rika mundiala vəsiqəni təmin edib. Asiyadan İran, Yaponiya, Cənubi Koreya və Səudiyyə Ərəbistanının, Afrikadan isə Nigeriya ilə Misirin dünya çempionatında iştirakı dəqiqləşib.
Qeyd edək ki, Peru millisi “pley-off”da Okeaniya zonasını təmsil edən Yeni Zelandiya ilə qarşılaşacaq. Digər 3 vəsiqəyə isə Afrika zonasında qrup qalibi olacaq kollektivlər sahib çıxacaqlar.