İsveçrədə ilk “yeməli” robot hazırlanıb


Digərləri 10 Okt 2017 22:32:00 354 0

İsveçrədə ilk “yeməli” robot hazırlanıb

İsveçrənin Lozanna şəhərindəki Federal Politexnik Məktəbində intellektual sistemlər laboratoriyasının istehsalçıları gələcəkdə tibb sahəsində istifadə edilə biləcək ilk "yeməli" robot yaradıblar.

Artıq uzun illərdir ki, yumşaq robot texnikası həkim və mühəndislərin maraq dairəsindədir. Bu elastik qurğular kiçik əməliyyatların aparılması və ya dərmanların lazım olan orqana çatdırılmasında həkimlərə kömək edir. Sonra isə robotu pasiyentin orqanizmindən çıxartmaq və ya onun oradan özünün çıxmasına imkan vermək lazımdır. Lakin bu yanaşma geniş yayılmayıb. Artıq lazım olan məsələlərin icrasından sonra orqanizmdə həll olunan "yeməli" robot daha səmərəli üsul hesab edilir.

Son.az AZƏRTAC-a istinadən bildirir ki, "yeməli" qurğunun hazırlanması üçün jelatin və qliserindən istifadə olunub. İstehsalçılar bildirirlər ki, manipulyator və tənzimləyicilər, batareya və onun digər komponentləri daxil olmaqla, robotun bütün detalları tamamilə yeməlidir və orqanizm üçün təhlükəsizdir.

Alimlər hesab edirlər ki, gələcəkdə daha funksional və balaca robotlar hazırlaya biləcəklər. Bu robotun tamamilə həzm olunması və allergiya yaratmaması qurğunun komponentlərinin tərkibinə müxtəlif dərmanları və vitaminləri əlavə etməyə imkan verir.