Əflatun Amaşov Avropa Mətbuat Şuraları Alyansının illik toplantısına qatılacaq


Digərləri 10 Okt 2017 15:14:00 340 0

Əflatun Amaşov Avropa Mətbuat Şuraları Alyansının illik toplantısına qatılacaq

MŞ sədri rəhbərlik etdiyi qurumun ötən bir ildəki fəaliyyəti barədə hesabat xarakterli çıxış edəcək.

Bakı. Mətbuat Şurasının (MŞ) sədri, Milli Məclisin deputatı Əflatun Amaşov və Şuranın İdarə Heyətinin üzvü, Demokratik Jurnalistlər Liqasının sədri Yadigar Məmmədli Avropa Mətbuat Şuraları Alyansının Macarıstanın paytaxtı Budapeştdə keçiriləcək illik toplantısına qatılacaq. Şuradan Trend-ə verilən məlumata görə, oktyabrın ayının 11-dən 13-dək keçiriləcək toplantıda MŞ sədri rəhbərlik etdiyi qurumun ötən bir ildəki fəaliyyəti barədə hesabat xarakterli çıxış edəcək. Tədbirdə həmçinin Avropada və dünyada söz və ifadə azadlığı ilə bağlı tendensiyalar, Mətbuat Şurası institutlarının bu müstəvidə daşıdıqları missiya, internet media ilə əlaqədar tənzimləmə mexanizmləri və digər məsələlər ətrafında fikir mübadiləsi aparılacaq. Toplantının gündəliyinə həmçinin peşə etikasındakı spesifik məqamlar, sosial şəbəkələrdə saxta profillərin şəxsi həyatın toxunulmazlığı prinsipinə təsiri, medianın özünütənzimləməsinin dayanıqlı maliyyə aspektləri barədə də müzakirələr daxil edilib.