İraq hökuməti kürd muxtariyyəti ilə konfederasiya yarada bilər
Dünya 09 Okt 2017 18:24:00 373 0
İraq Kürdüstanının lideri Məsud Bərzani federal hökumətin bu region üçün tətbiq etdiyi sanksiyaları ləğv edəcəyi təqdirdə, müstəqilliklə bağlı referendumun nəticələrini dondurmağa hazırdır.
Son.az APA-ya istinadən xəbər verir ki, bu barədə İraqın vitse-prezidenti Usama ən-Nuceyfi "Al Arabiya" kanalına açıqlamasında deyib. Oktyabrın 8-də İraq Kürdüstanı lideri ilə İraqın vitse-prezidentləri Usama ən-Nuceyfi və Ayyad Alavi arasında danışıqlar aparılıb. Görüşdə Ərbil və Bağdad arasında narazılığın həlli üzrə pilləli plan təklif olunub və mövcud böhrandan çıxış yolları müzakirə edilib. "Asharq Al-Awsat" qəzetinin yazdığına görə, İraq hökuməti İraq Kürdüstanı ilə konfederasiyanın qurulmasını istisna etmir. İraq Kürdüstanın siyasi rəhbərliyinin nümayəndəsi Abdulla Varati bildirib ki, konfederasiyanın yaradılmasını qonşu dövlət olan 3-cü tərəf təklif edib və təşəbbüs İraq parlamenti və hökumətindəki bir sıra siyasi fraksiyalar tərəfindən dəstəklənib. Xatırladaq ki, sentyabrın 25-də İraq Kürdüstanı ərazisində müstəqilliyə dair referendum keçirilib.