Bakıda Beynəlxalq Prokurorlar Assosiasiyasının (İAP), Avropa Şurasının və Azərbaycanın Baş prokuror yanında Korrupsiyaya Qarşı Mübarizə Baş İdarəsinin təşkilatçılığı ilə kibercinayətkarlıq mövzusunda regional konfrans keçirilir.

“Report”un xəbərinə görə, tədbirdə çıxış edən Korrupsiyaya qarşı Mübarizə baş idarəsinin rəisi Kamran Əliyev konfransı açıq elan edib.

O deyib ki, kibercinayətkarlıq ən təhlükəli cinayətlərdən biridir: “Prokurorlar bu cinayətlərə qarşı mübarizədə ön sırada dayanırlar. Bu tədbirdə 46-sı xarici ölkədən olmaqla 70-ə yaxın qonaq iştirak edir. Azərbaycan hökuməti cinayətlarlığın bütün növlərinə qarşı mübarizə aparır. Müasir informasiya texnologiyalarından istifadə etməklə törədilən cinayətlər daha təhlükəli olur. Azərbaycan bu tip cinayətkarlığa qarşı beynəlxalq əməkdaşlığı davam etdirir”.

Sonra Korrupsiyaya qarşı mübarizə üzrə Komissiyanın katibi Kamal Cəfərov, İAP-ın Baş katibi, Prokurorları Birləşdirən Elektron Cinayət Şəbəkəsinin sədri Han Moraal, Avropa İttifaqının Azərbaycandakı nümayəndəliyinin siyasi bölməsinin rəhbəri Denis Danilds, Avropa Şurasının Bakı ofisinin rəhbəri Zoltan Hernyes çıxış ediblər. 

Konfrans oktyabrın 11-dək davam edəcək.