Bərdədə velosipedçini vurub qaçdı FOTO
Digərləri 07 Okt 2017 08:02:00 266 0
Xəsarət alan yaralının vəziyyəti orta ağırdır
Bərdə rayonunda velosipedçinin xəsarət alması ilə nəticələnən yol-nəqliyyat hadisəsi baş verib.
Son.az "Report"a istinadən bildirir ki, hadisə rayonun Mirzəxan kəndində baş verib. Yevlax-Ağcabədi yolunun Bərdə rayonu ərazisindən kecən hissəsində "VAZ-2107" markalı avtomobil yolun kənarı ilə hərəkət edən velosipedçi 30 yaşlı Səfərov Elvin Ərəstun oğlunu vurub. Qəzanı törədən sürücü hadisə yerindən qacıb. Yaralı ətrafdakıların köməyi ilə Bərdə Rayon Mərkəzi Xəstəxanasına yerləşdirilib. Travmatalogiya şöbəsində müalicə edilən E.Səfərovun vəziyyəti orta ağırdır. Faktla bağlı Bərdə Rayon Polis Şöbəsində araşdırma aparılır.
Mənbə: milli.az