Argentina Peru ilə heç-heçə edərək DÇ-2018-ə çıxmaq şanslarını riskə atıb - VİDEO
Digərləri 06 Okt 2017 06:41:02 182 0
Messinin komandası turnir cədvəlinin 6-cı pilləsinə enib
"Report" xəbər verir ki, xal itkisi nəticəsində Xorxe Sampaolinin yetirmələri Cənubi Amerika seçmə qrupunun turnir cədvəlində DÇ-2018-in final mərhələsinə çıxmaq hüququ verməyən 6-cı pilləsinə enib.
Argentina ilə eyni xala malik Peru yığması (25 xal) əlavə göstəricilərə görə Messinin komandasını qabaqlayır və "play-off"a düşmə imkanı verən 5-ci yerdə qərarlaşıb.
Turun digər qarşılaşmalarında Boliviya və Braziliya, həmçinin Venesuela və Uruqvay qolsuz heç-heçə ilə kifayətləniblər, Çili komandası öz meydanında Ekvadoru 2:1, Paraqvay isə səfərdə Kolumbiya üzərində 1:0 hesablı qələbə qazanıb.
Cənubi Amerika üzrə DÇ-2018-in final mərhələsinə ilk dörd yerin sahibi birbaşa vəsiqə qazanacaq. Beşinci yeri tutan komanda isə Okeaniya təmsilçisi ilə "play-off" matçına çıxacaq.