Azərbaycan internet forumunun prezidenti Osman Gündüz deyir ki, sosial şəbəkələr vasitəsilə yayılan bu oyun sözsüz ki bizim ölkə üçün də təhlükədir. Lakin müvafiq qurumlar bunun qarşısını ala bilər. Eyni zamanda elə valideynlər özləri də bu məsələdə çox diqqətli olmalıdırlar.

Həmçinin internet provayderləri seçərkən də diqqətli olmaq vacibdir. Belə təhlükəli oyunlara meyl edən uşaqlar və yeniyetmələrin böyük əksəriyyəti internetdən asılı vəziyyətdə olanlardır. Psixoloq Elnur Rüstəmov deyir ki, valideyn nəzarətindən kənarda qalan balacalar, həmçinin gənclər internet oyunlarla daha çox maraqlanır.