Virtualaz.org-un məlumatına görə, atletika yarışlarının son günündə kişilər 1500, 10 000 m qaçış və 4 X 400 m estafet qaçışı, nüvə itələmə, uzunluğa tullanma və şüvüllə tullanma, qadınlar isə 10 000 m qaçış və 4 X 400 m estafet qaçışı yarışlarında qüvvələrini sınayacaqlar.

X X X

3X3 basketbol turnirində qadın və kişilərdən ibarət komandaların ¼ finalda mübarizəsi davam edəcək. Qadınlardan və kişilərdən ibarət millilərimiz müvafiq olaraq İndoneziya yığmaları ilə qarşılaşacaq.

X X X

Suya tullanmada kişilərin 10 m platforma yarışında qaliblər müəyyənləşəcək.

X X X

Stolüstü tennisdə komanda yarışları başlayacaq.

X X X

Bu gün tennisçilərin də mübarizəsi davam edəcək.

X X X

Kişi voleybolçulardan ibarət komandalar arasında finalçılar müəyyən olunacaq.

X X X

Sərbəst güləş yarışının ikinci günündə Azərbaycanı Hacı Əliyev (61 kq), Murtuz Müslümov (70 kq), Şərif Şərifov (86 kq) və Cəmaləddin Məhəmmədov (125 kq) təmsil edəcək.

X X X

Oyunların 3-cü günündə uşu yarışına start verəcək.

X X X

Eləcə də zorxana yarışı başlayacaq.

Qeyd edək ki, Bakı-2017 İslam Həmrəyliyi Oyunları mayın 22-dək davam edəcək. Yarışlar Azərbaycan paytaxtının 16 idman obyektində 21 idman növü üzrə keçirilir.