Bakıda 4 oğlu həbsə düşən ananın ürəyi dözmədi: "Dərdimizdən öldü" VİDEO FOTO


Digərləri 12 Apr 2017 17:55:00 81 0

Bakıda 4 oğlu həbsə düşən ananın ürəyi dözmədi: "Dərdimizdən öldü"  VİDEO  FOTO

"Anamızı heç birimiz çiynimizdə apara bilmədik"

"Həyat yoldaşım da yanıma gəlmir"

Son.az bildirir ki, ARB TV-nin "Rezonans" verilişində 3 dəfə həbsə düşən Elçin Əliyevin həyat hekayəsi yer alıb. 

Elçin Əliyev (cəzası 7 il, ümumi 12 il) : "3-cü dəfədir ki, həbsə düşürəm. 4 qardaşıq, hamımız həbsdəyik. Üçümüz buradayıq, bir qardaşım isə başqa yerdə cəza çəkir. 2003-cü ildə tutuldum, amnistiyaya düşdüm, sonra 2008-ci ildə bir daha tutuldum. 2009-cu ildə yenə əfv oldum. Yenə ümid edirəm ki, əfvə düşərəm. Gözləyirəm. 15 yaşım olanda evdən qaçdım. Qoşuldum avara uşaqlara. Ancaq küçələrdə qaldım. Oğurluq dalınca oğurluq etdim. Dükana girmişdim. Elə də dəyərli bir şey yox idi. 4-müz də həbsdəyik, yanımıza gəlib-gedən yoxdur. Anam idi təkcə. O da vəfat etdi. Aprelin əvvəli anam yanımıza gəlməli idi. Ayın axırı zəng elədim ki, evə görüm nə olub. Xəbər gəldi ki, anam ölüb. Anam bizim dərdimizdən öldü. Dərd çəkirdi. O şeyləri özümüzə bağışlaya bilmirik. 4 qardaşın hamısı içəridədir, anamızı heç birimiz çiynimizdə apara bilmədik. Azadlığa çıxandan sonra ancaq işləyib, ailə qurub yaxşı yaşayacağıq. Bura qayıtmaq olmaz. Qeyri-rəsmi nikahda olduğum həyat yoldaşım da yanıma gəlib-getmir. İlk 5 il yanıma gəldi, amma son zamanlarda gəlmir. Əvvəllər həbsə düşənlərə, bu həyatı yaşayanlara heyrət edirdim. Sonra bədənimə, qollarıma döymələr etdirdim. Bir müddət sonra peşman oldum. Fikrləşdim ki, bu döymələri yandırım. Azadlığa çıxanda da avtobusda utanırdım. Camaat qısaqol köynək geyinəndə, mən uzunqol geyinirdim ki, görünməsin. Heç kimə buranı arzu etmirəm".


Xəbərə aid fotolar